مرض السرطان يهدد كيان اسرة

كتبت  : علا حسن

مرض السرطان بقى كابوس بيهاجم كثير من البيوت وبيدمر كيان اسر بأكملها ويقضى على سعادتهم ولا من نقضى عليه كفاية تجارب “ارحموا من فى الارض يرحمكم من فى السماء ” ياريت بقى نشعر بمعاناة غيرنا وكفايا شعارات لازم نشوف الناس دى محتاجة ايه ونقف جنبها ونسادعها قدر المستطاع واليوم بنقل لكم رسالة مريضة بتعانى من الكابوس اللعين ومش قادرة تتحمل المرض ولا تكاليف العلاج ولا العملية ارجوا النظر لهم بعين الرحمة خصوصا ان قصتها اتعرضت قبل كده لكن لاحياة لمن تنادى وهذه قصتها ترويها بنفسها

أغلبكم عارفين قصتي و كفاحي مع مرض السرطان، بداية من اني خدت 6 جرعات كيماوي و لما ارتد عملت عملية زرع نخاع و كان على نفقة الدولة،  ده غير المضاعفات اللي كانت عندي من كسر في العنق وتركيب شريحه وتأكل في العمود الفقري وكنت بموت بالبطيئ والجرعات طبعا اغلبكم عارف انها كانت مكثفه اسبوع في المستشفي،كل شهر لغايه ما الوضع استقر والنخاع استجاب وبعد 3سنوات ارتد  المرض تاني و خدت 6 جرعات كيماوي تانية و الحمد لله حالياً الخلايا في مرحله خمول  و لكن الدكاترة أكدوا ان لازم عملية زرع نخاع تاني كعلاج تحفظي و المرة التانية بتبقى على حسابي مش هينفع على نفقة الدولة..

انا مش عارفة اعمل الزرع  لان تكاليفه عالية جداً عليا،  كنت هعمل من الاول البوست ده بس مقدرتش،لكن الطرق كلها اتقفلت و  مبقاش الا باب واحد،  باب ربنا سبحانه وتعالى،  اني أجمع من اصدقائي المبلغ لان الجمعية اللي اتواصلت معاها مش هتقدر لوحدها تجمع المبلغ،  فالمفروض هجمع معاهم،  وربنا يسهل بدعواتكم ومساهمتكم في التكاليف.

شكراً لكل اللي بيدعموني أو هيدعموني ..

أنا عايزة اعيش بجد،  عايزة أكمل حياتي بدون ألم مع أولادي،

انا عملت حساب بنكي و فودافون كاش علشان أقدر أعمل العملية

الاسم

فايزه محمد السيد محمد  — وكافة بيانات التواصل مع ادارة الجريدة

شكراً للكل،  أتمنى اني أقدر أجمع المبلغ