تبدء”مؤسسة القادة ومصر المستقبل” بالسويس فاعليات مبادرة (كتابي كتابك) الجمعة القادمة 17/2

السويس ـ مريم محمود

تبدأ  (مؤسسة القادة ومؤسسة مصر المستقبل ) بالسويس بـ اولى فاعليات مبادرة ( كتابى كتابك ) يوم الجمعة الموافق ٢٠١٧/٢/١٧ وذلك في جمعية الاتحاد النوبية بالسويس (جمعية النوبة) .. العنوان : 2شارع النهضة بجوار مسجد العشي أمام هانو وخلف نادي التجارة – السويس

وقال الدكتور “محمد عادل ” المسئول عن مؤسسة  القادة والدكتور أحمد مسئول مصر المستقبل بمحافظة السويس أن ستقام تلك الفعلية  في اطار أهتمامها بنشر الوعي والتثقيف وبث روح المشاركة بين مختلف الأجيال والاعمار , وهذه المبادرة تعتبر جديد من نوعها و اهدافها كالآتي :

أمة ( إقرأ ) هترجع تقرأ
– هنساعد بعض ونتشارك فى تبادل كتبنا بكل الانواع ( تنمية بشرية – سيرة ذاتية – روايات – سياسية – اجتماعية – تنمية ذاتية – دينية -تاريخ اسلامى – كتب ومجلات فى مختلف المجالات والتخصصات )

(محاور المبادرة)
– هنبتدي تجميع كتب في جمعية النوبة ابتداءا من يوم الجمعة هنكون في انتظاركم من بعد صلاة الجمعة لاستلام الكتب.
وسنوافيكم تباعاً بأي اماكن جديدة تقدروا توصلولنا فيها .

– ليك الحق تدينا كتبك اللى هتساهم بيها فى مكتبة (كتابى كتابك ) وبإيصال رسمى لم تحب ترجع تاخدهم هتاخدهم فى اى وقت نحن نحمى حقوق الملكية
– ليك الحق تتبرع بيهم ومننا ليك كل الشكـر والتقديــر
– هنصنف كل الكتب اللى جمعناها وهنعمل
* مكتبـة ثابتـة
* مكتبة متنقلة ( اتوبيس )
عشان كل ما تمشى تلاقى الكتب بتناديك تستعير مننا الكتاب اللى محتاجه من غير ماتشتريه بالاسعار الغالية

الفاعليات
– الأعضاء اللى شاركونا بكتبهم اللى بيحبوا القراءة وعارفين اهميتها لهم مزايا عندنا
كل ما زاد عدد الكتب المساهم بيها فى مكتبة ( كتابى كتابك ) ليهم الاحقية فى مشاركتنا سنويا فى ( رحلة معرض القاهرة الدولى للكتاب )
كل 3 شهور هنعمل مسابقة وهنقدم جوائز قيمة . المسابقة هى اسئلة من داخل كتب مكتبة ( كتابى كتابك )
اتوبيسنا المتنقل هيكون نقطة بداية لإحياء الصالون الثقافى وتنمية المواهب وده بالتنسيق مع وزارة الثقافة عشان مواهب ابناء السويس تطلع للنور .

للاستفسار والاستعلام عن المبادرة:
01224762206

01062040858