نادانى..

شعر:سميه عمر

نادانى يا انتى يا انا تعالى قربى هنا سحرتنى نظره عينيكى اخدتنى لمسه ايديكى يلى انتى الامل وكل المنى يا اميره ىحبى يا انا يا مليكه عرشى فى الحب والهنا يلى عمرى ما شفت ولا هشوف زيك لو شفت من الستات الوف
قال كلام وكلام كتير
قال بجد كلام جميل
بس مش حسته منه
شيء طبيعي اكيد لأنه
كل واحده بيلاقيها
بيناديها ياحبيتي
لما قالي قمت سبته
كان حضوره زي غيبته
مستحيل اكون حبيبته
اللي عامل قلبه خيمه
لو بوافقه تكون جريمه
قلب مش مسرح وسيما
قلبي للي يقدره
مش يحب في يوم عليه
اللي فاتح قلبه ملعب
عمر قلبي ما يبقي ليه