شعر و زجل
**هو الصراع على مين ** شعر.. (غريب أبو الوفا )
…………….. هو الصراع على مين ……………
هو الصراع على مين ؟؟؟
هو الصراع على دين
ولا على شجرة تين ؟!!!
مزروعة فى ارضنا من سنين
مروية بدم اهالينا …. وعرق الجبين
ناكل طرحها …. لما نكون جعانين
والطرح يطرح تااااني ….. ب نية ولادها الطيبين
وبظلها .. مع نسمة حلوووة …. نكون مبسوطين
ونكتة … مع ضحكة … نلاقي نفسنا متعشيين
ونام فى حماها مطمنين
ونقوم الصبح … بين حضنها ساعيين
جم ولاد تانيين
بالفاس …. فى الجدور ضاربين
وولاد شياطين … يهزوا الفرع
قال ايه …. مش شايفين
ياام الحنان والحنين …
هما دوول ولادك … ولا ولاد مين ؟؟
من نفس البطن …
من نفس الصلب جايين ؟؟!!
ولا انتي مشيتي يوم فى الحرام ..
واحنا عنك غفلانين ؟!!!!!
جاوبي …
جاوبي بقلب الام …. واحساسها الحزين
جاوبي …
جاوبي بمرارة الحلق …. اللي طافح ع الجبين
هو الصراع ده ….. على مين
هو الصراع على دين ..
ولا على شجرة تييين ؟؟؟!!!!!