متجمعين …( شعر) دعاء شفيق
متجمعين …شعر دعاء شفيق
جربت كتير اعيش سعيد بس دايما حاسس انى عن السعادة بعيد
قولت امشى فى طريق جديد بس برضه ماكنش مفيد
وفي يوم ماكنس بعيد لاقيت امل وحياة من جديد
لقيت ناس هدفها تخلي في كل بيت عيد و ترسم فرحة
و امل فحياة ةكل انسان مكنش سعيد
قالو حنعمل عمل مفيد و مع بعض نقدر نعمل شى جديد
قالوا حنعمل مكان نقدر فيه قيمة كل انسان
وفعلا شاء الرحمن وقدرهم علي خدمة ناس كتير
كان كل املهم يدوب مطرح و دكان ومنهم الغلبان
و منهم المسن اللي كان نفسة بس في شوية حنان
و منهم التعبان اللي كان نفسة يتعالج و يحس انة انسان
و منهم اللي كان نفسها في فستان و كان بالنسبة ليها مجرد حلم بهتان
و منهم اللي كان نفسة يبطل يعيش سقعان
و منهم اللي مكنش شايف الانام
كان كل املة انة حتي لما ينادي علي فلان يشوفة
مش بس يسمع صوت نداة لاقيتهم عملو كل دة من زمان
جابو المطرح و الدكان و ادوا للمسن كل الحنان
و عوضوة عن ولادة و احفادة كمان و عالجو التعبان
و عرفوة قيمتة و حسسوة انة انسان
و جابو للبنت الفستان كانت سعيدة بية
و كلها فرحة و حنان كمان غطو السقعان
و ساعدو اللي ماكنش شايف الانام
و شافهم من جديد و قالهم انا اول مرة اشوف الحياة
انا دلوقتي شوفتكم بالالوان لو حاسس زى انك تعبان
و مش سعيد و مش لاقي طريق جديد
دور علي السعادة حتلاقيها مع شباب الخير
اللي قرروا التغير ممكن تساهم معاهم بوقت
او بمال ممكن بفكرة او حتي بسمة لطفل
بيحلم يشوف الحياة حتفرق معاك كتير
يمكن تحس انك لاول مرة مش تعبان
و تحس انك ملكت الدنيا كمان و كفاية
ان يرضي عنك المنان