حوار/ سحر وهدان
بدأت حياتها الفنية كراقصة شرقية ثم عملت بأدوار صغيرة كممثلة إلى أن بدأت أدوارها تكبر شيء فشيئ فتركت الرقص وتفرغت للتمثيل، وكانت قد خاضت تجربة تقديم فوازير رمضان مرتين، الأولى كانت لصالح قنوات art حملت اسم «فوازير أبيض وأسود» وشاركها فيها محمد هنيدي وأشرف عبد الباقي، والثانية كانت لصالح التلفزيون المصري وحملت اسم «فوازير قيما وسيما» وشاركها فيها الفنانة أمينة رزق.
في البداية أحب اهنىء الفنانة لوسى لنجاح العرض المسرحي (الحفيد) الذى يعرض الآن على خشبة المسرح القومى ,
أجابت الفنانة لوسى ألحمدلله فلكل مجتهد نصيب
*الفنانة لوسى ماسبب غيابك عن المسرح لمدة 13سنة رغم عشقك الكبير للمسرح ؟
أبدا لم ابتعد فإذا أتعرض عليا أى عمل بعجبنى سواء مسرح أو سينما أو تليفزيون بعمله علطول ،ولكن توقفى كان نتيجة ما مرت به البلاد من ثورات أو كرونا لأن كان همنا ساعتها مصر نطمن بس عليها وعندما استقرت البلاد عملت مسلسل (البيت الكبير من 120حلقة عملت فيلم وعملت مسرحية الحفيد الآن
*كيف تحتوى كل من حولك في العمل كفنانة قديرة وكل من حولك وجوه جديدة فهناك كثير من الفنانين لم يكن لديهم هذه
القدرة على هذا الاحتواء والتفاهم مع الوجوه الجديدة ؟
أولا بعضهم من المعهد والبعض الآخر ليسوا من المعهد ولكن شاطرين وموهوبين جدآ ولديهم تلقائية وانا من عشاق الفنان الذى لديه تلقائية طبيعية إللى هى بتشخص الشخصية بحاذفيرها ولكنها مش بتمثل ،مثل المشهد الميلو دراما اللى بقدمه في مسرحية الحفيد لو مش بقدمه بصدق الناس ح تنفر منه ، وكمان أنا كنت في يوم من الايام جديدة وفى إللى وقف جنبى مثل المؤلف العظيم أنور عكاشة ،واالدكتور سيد عبد الكريم وسيد عزمى والمخرج اسماعيل عبد الحافظ ولا اريد أن أنسى أحدا كلهم وقفوا جنبى وقدموا لى الدعم ،والفنانين اللى بيشاركوا معايا في الحفيد روحهم حلوة وده بيعطى جو جميل في كواليس العمل ،
*كان شعورك ايه لما عرفتى انك ح تعملى مع مخرج شاب هل خوفتى ؟
بالتأكيد خوفت جدا ولكن بمجرد ما تعاملت معه وجدت أنه موهوب جدا ليس فقط في الاخراج ولكن في التمثيل أيضا فشجعته أنه يمثل أيضا في المسرحية بجانب الاخراج،كما أنه أخد الرواية من الكاتب العظيم ،،(عبد الحميد جودة السحار),وعامل صياغة حديثة وعامل تفاصيل تصلح لهذا الوقت ،لان الأساس يصلح لكل وقت لم يرتبط بأى زمن لأن الأحداث تتكرر واحنا بس إللى بتزيد
*من الذى رشح لوسى لهذا العمل؟
الاستاذ يوسف المنصور مخرج العمل عرض النص على الأستاذ (ايهاب فهمى) مدير المسرح القومى وقال له اقرا تفتكر مين يصلح لهذا الدور قال له لوسى فرد عليه أنه هو كمان كان يقترح هذا الاسم منذ البداية ولكن كنت قلقاً من عدم قبولها للدور فرد عليه الاستاذ ايهاب فهمى أنها فنانة جميلة ومتواضعة ولو عجبها العمل ح تقبل فورا وقد كان لأنى قبلت العمل بعد قرأته بعد ثلاث ساعات فقط ،
*هل خوفتى من المقارنة بينك وبين الفنانة الكبيرة تحية كاريوكا والفنانة القديرة كريمة مختار ؟
وجه المقارنه هنا مختلف تماما لأنى لم اعمل أيا من العملين انا بعمل الإسم فقط (زينب)لكن الموضوع نفسه مختلف تماما لأنه يحتوى على مشهد أو اتنين من ام العروسة وكذلك فيلم الحفيد ،وبضياغة جديدة وحوار جديد ،وانا مقدرش اقارن نفسى بكل من هاتين السيدتين العملاقتين ولا حد يقدر يقارنى بيهم لأنهما عظماء ومفيش حد بيتكرر مهما جاء بعده من أجيال ممكن يجى أحسن لكن تكرار نفس الفنان صعب جدا لأن ربنا سبحانه وتعالى خلقنا كلا له بصمة خاصة لا تتكرر
*منذ زمن بعيد وأنا أعرف عنك أنك بتفكرى في أنك تعملى عمل تجسدى فيه قصة حياة (سامية جمال) وخصوصا أن المسرح المسرحى في الفترة الأخيرة جسد كثير من الشخصيات الفنية القديمة مثل الفنان نجيب الريحاني والفنان سيد درويش والمظ،تحلمى انك تقدمى شخصية سامية جمال بشكل تمثيلي استعراضى وهل تفضلى أن العمل يكون على المسرح أم التليفزيون ؟
المسرح عاوز بنت عندها 18سنة علشان تجسد شخصية سامية جمال ،
أنا شايفة أنك مازلت في مرحلة الشباب ؟
أنا بالنسبة لي الفن بيرد لى روحى ويضيع لى الألم أنا يشتغل دلوقتي وانا أيدى مكسورة وانا صغيرة كنت مريضة باللوز وعندى حرارة مرتفعة جدا وبمجرد ما سمعت صوت أم كلثوم بتغنى نسيت الالم ورقصت على الأغنية من حبى في الموسيقي،وانا من طبعى مقاومة المرض والألم مهما كان ،انا اشتغلت سنة مع المخرج محمد النقلى في مسلسل البيت الكبير،وكنت بعافر لأن كان عندى غضروف مقطوع والدكتور أحمد عبد العزيز قالى لأزم تعملى عملية جراحية سريعة،ومحدش حس غيرى بآلالم وده كرم من عند ربنا سبحانه وتعالى
* ما شعورك عندما شاهدت سيدة المسرح العربى الفنانة القديرة (سميحة أيوب)؟
أنا لم اشاهد الفنانة سميحة أيوب وانا على خشية المسرح لأنى من طبعى أنى مش بشوف مين قاعد في الصالة وانا بمثل انا بحس اني زينب وأن المسرح ده بيتى ومعايا اسرتى اللى هى زوجى حسين واولادى ولكن كنت عارفة أنها موجودة ولكن نسيت أنها موجودة ومش بحب اعرف مين موجود وبعد ما خلصت شاهدتها وهى تقف لتقدم لى التحية فنزلت اليها وقالت لى أنى غولة على المسرح دخلتى جوه قلبي لأنها أصلا صديقة شخصية لى بعيدا عن فرق ألسن وبكلمها تليفونيا ودايما اقولها عاملة إيه يا رقاصة تقولى كويسة يا ممثلة ولكن انصح أى حد أنه يركز في أى حاجة بيعملها مهما كانت هى
ولم يصبنى الغرور بسبب كلام الفنانة سميحة أيوب بل بالعكس زدت نفسى تركيز
*المسرحية معمول فيها حالة حلوة والصفيرة معملولة صح ؟
ده بقى هو محمد يوسف المنصور لانه عاملها صح ومحترم الرواية الأصلية للكاتب الكبير عبد الحميد جودة السحار ومقدم العمل من خلال القصة الحقيقية مش الأفلام إللى اتعملت عاملين القصة من سنة ٨٠ إلى سنة ٢٠٠٠
*لما ضربت بنتك على المسرح لأنها كانت تريد أن تلتحق بالتمثيل ؟قلت لها عاوزة تبقى ممثلة وتفضحينا ؟ما المقصود من الجملة دى ؟
لأنها لم تاخد رأى امها فالأم يجب أنها تكون صديقة لبنتها وابنها وضربتها لأن الناس ح تقول عليها انها ماشية على حل شعرها ،الفن النهاردة بقى عيب ابنى فتحى عاوز يشتغل في الاخراج قلت له عليك (قليل الادب) لأن الفن بقى عيب واجرام غير التطفل على حياة الفنان الشخصية ، غير أن المحكمة زمان مكنتش بتاخد بشهادة الفنان
*اشتغلت مع عظماء السينما والدراما العربية مين الشخصية إللى وقفت جنبك أو تأثرت بها ؟
الفنانة هدى سلطان كانت صديقه مقربة لى وتعملت منها الكثير وخاصة في مسلسل ارابيسك عندما كنت اؤدى دور ( انوار)وكان في متعة بينا في المشاهد ،والفنان اللى بيقدر يفصل الروح الشخصية عن شخصية العمل بيقدر ينجح والناس بتتقبله ،
*شخصية حمدية في مسلسل ليالى الحلمية البنت اللي جاية من الصعيد ازاى قدرت تخرجى من الشخصية دى لشخصية انوار في ارابيسك مع الاختلاف الكامل بين الشخصيتين ؟
ده بسبب المؤلف الكبير أسامة أنور عكاشة
*عاوزين نتكلم عن شخصية فوزية في مسلسل (
هى شخصية مستفزة جدآ ورغم أنها شخصية شريرة جدا إلا أنناكمشاهدين تعاطفنا معها أزاى قدرت تجسدى الشخصية دى ؟
أنا أتصلت بالمخرج وقلت له ازاى ح أقدر اعمل كل الشر ده معقول في حد شرير إلى هذا الحد وبعدين وضعت لها أسباب ولكن مازلت مش مقتنعة أن في أى مبرر لكل هذا الشر
على فكره من كتر التأثر بالشخصية كنت في يوم براجع المشهد بشخصية فورية في العربية وانا خارجة من عمارتى فحصل موقف اتعصبت فيه واتكلمت بنفس أداء شخصية فوزية رغم انى مش بعيش الشخصية بره المشهد وبعدين اعتذرت بسرعة
*كان في موقف محدد معاكى فى مسلسل ليالى الحلمية كلمينا عن الموقف ده
أنا كنت داخلة معرفش حد خالص وكان إللى رشحنى في دور حمدية الفنان يحيى الفخراني عندما شاهدنى في فيلم (حالة تلبس) ودخلت وكان صفوة نجوم ليالى الحلمية قاعدين ولاقيت واحد لابس جلبية صعيدى بيقولى اسمك ايه يا آنسة قلت له انا مش انسة أنا مدام قالى أسمك ايه يا مدام قلت له أسمى (أنعام),قالى اومال فين لوسى قلت له انا بردو لوسى قالى اقراى الورق قلت له مستحيل اقرا كويس بعد المعاملة دى وكان ضرسى وارم وتعبانه جدا وبعدين سألت حد من الاستديو مين ده قالوا لي ده اسماعيل عبد الحافظ المخرج ومشيت وجيت تانى يوم حافظة المشهد ولابسة الشخصية فأعجب بى جدا بعد ما كان أسامة أنور عكاشة ناوى يلغى الشخصية لانه لم يجد الشخص المناسب لأداء هذه الشخصية
*حركة الأصابع اللى اشتهرت بها حمدية في ليالى الحلمية كانت إضافة من عندك لشخصية حمدية ولا كأن توجيه من المخرج ؟
لأ كانت إضافة منى للشخصية هى وكتير من الألفاظ زى (اوخة)وابلتى وقنصل الوز)
*شايفة نفسك فين بعد أداء كل هذه الأدوار ؟
مش بفكر انا مش بفتكر أنى لوسى الفنانة إلا لما بينادوا على انا عايشة حياتى بمنتهى البساطة من جوه ومن بره
*أى شخصية من الشخصيات إللى لعبتيها كان فيها من شخصية لوسى الحقيقية ؟
شخصية أنوار في مسلسل ارابيسك كان فيها منى كتير أوى صبرها وتضحياتها حبها لأهلها وصمتها ولم اعرف ده إلا بعد أداء الشخصية بسنوات كتير
*بعد مشوارك الفنى ده كله لم تلعبى دور سينما يليق بلوسى ؟
أنا مش ح أنزل من بيتنا مع أى مخرج واى منتج انا عملت من سنتين فيلم من اجمل الافلام مع مخرج جديد اسمه ورقة جمعية
رغم كل الأدوار إللى قدمتيها في حياتك إلا أن أكثر دور مازال عالق بذاكرة الجمهور هو دورك في فيلم (كرسى في الكلوب)
لأنه يؤرخ لزلزال وبيؤرج لبناتنا اللى بترفض الزواج لغاية ما توصل لسن العنوسة ،ومعاناة الشباب المتعلم إللى بيشتغل اكتر
لوسى الراقصه ولوسى الممثلة ايهما خدم الآخر أكثر ؟
اكيد لوسى الراقصه خدمت الممثلة أكثر لأن التعامل مع زباءن اخر الليل والنايت كلب بيعطى خبرة في التعامل مع كل الناس
*في بعض الفنانين قالوا إن لوسى أكثر ابداعا في إلتثميل من الرقص ،؟
أنا برقص بإحساسى ومشاعرى ومش بعد الخطوات وممكن أرقص على نفس الموسيقى كل مرة بشكل مختلف حسب احساسى في الوقت ده
وكونى ممثلة أحسن من الراقصة ده شىء يميزنى ولا يعيبنى
*الفنانة أمينة رزق كانت تعانى من المرض الشديد ولكن عند دخولها المسرح تشعرك أنها لبسها جن ؟
ماما أمينة رزق حكت لي قصص كتير عن حياتها وشغلها وانا كنت بستمتع بالكلام معها هى كانت هانم واتعلمت منها أنى لازم افصل أثناء أداء الشخصية
*عند اداءك لشخصية على الكسار في الفوازير كنت رائعة ومقنعة ؟
والله العظيم أنا طلعت يوم ما كنت بادى الشخصية لرئيس القطاع متعرفنيش
لماذا أنت مقلة في حضور المهرجانات السينمائية ؟
ابتسمت وقالت (لا تعليق)
يمكن علشان معنديش فستان
*هناك بعض الآراء من بعض الفنانين بتقول أن الفنانة لوسى تفوقت في التمثيل عن الرقص مارايك في هذا الكلام ؟
لأ طبعا هذه ليست حقيقة وأللى قال كده الفنانة والراقصة نجوى فؤاد ،عدوك إبن كارك زى ما بيقولوا انا برقص بإحساسى لكن هى بتحفظ الحركات انا لو رقصت على نفس الموسيقى كل يوم برقص بحركات مختلفة زى ما بحس في اللحظة دى برقص