شعر و زجل

“أنا سعيد بجرحك بألمك بدمعك”.. خواطر أ/ عادل رشوان أبو عيطة

أنا سعيد بجرحك بألمك بدمعك
خواطر : عادل رشوان أبو عيطة
بتقولي تعالي ننسي إللي فات
يا جبروت الكلمات
بصراحة :
ده كلام مش معقول !!!!
ده كلام من درب الجنون !!!!
طيب قولي إذاي أنسي ؟؟؟
طيب لو نسيت هنسي إيه ولا إيه ؟؟؟
ده صفحاتك كلها معايا مرار فى مرار
معقول أنسى صفحة قسوتك
ده لسه الوجع من شدته
علي جدران قلبى منه معلمه
ولا صفحة الجروح
اللي لسة بتنزف آلام وري آلام
ولا انسي إنك خليت
دمعي علي صفحة حياتي
نهر جاري ملوش قرار
كله ده علشان بحبك
وماليش غيرك ملاذ
كله ده علشان عشقتك
وجعلتك لقلبي مزار
كل ده علشان أنت شمسى
ونور العين في ظلمة الأيام
كل ده علشان أنت عمري
اللي فات ومعدش جاي
خلاص القلب بقي صوان
والحب من قسوتك مات
والعشق راح مع اللي راح
والشمش غابت
والضحكة راحت
وما عاد قلبى ليك مزار
خلاص خلصت الحكاية
ومعدش فيه كلام
مات الكلام
ده اللي بنا بقي بعاد
وهجر وحرمان
في النهاية
أنا سعيد لأني شفتك
في نهاية الطريق حيران
تعبان … محروم محبة وحنان
مشتاق
لكلمة حلوة
لكلمة ترضي
لكلمة تسعد
لكلمة ترسم بسمة علي الوجوه
كلمة تخلى العمر زهرة فى بستان
أنا سعيد
إنى شفتك بتجرح
وإنى سمعتك بتقول آه من الآلم
إنى شفت دمعة عنيك
نزله بتحرق الخدود
أنا سعيد
علشان في نهاية الطريق
عرفت إنك خسرت أغلي حبيب
إنك خسرت اللي كان بيسمى عليك
إنك خسرت اللي بدور عليه
البسمة والضحكة
اللي طلعة من قلب عاشق
تشفي العليل
الاستاذ عادل رشوان أبو عيطة

زر الذهاب إلى الأعلى