شعر و زجل

قصيدة “وحشتينى ” ..شعر بقلم / كرم فارس

(((وحشتينى )))

يا بذرة حب فى قلبى
أنا بالحب برعاكِ
وبعترفلك إنك وحشتينى
وخايف من البعد وجفاكِ
أنا عايش فى ليل الصبر
بسهر وغنى موالكِ
وبقولك من تانى وحشتينى
وعمرى فى حياتى ما أنساكِ
أنا فى حالة عشق
وسجين الحب جواكِ
ولا يوم طلبت إنى أكون حر
ما بين ضلوعك أنا عايش حياتكِ
أنا طير من نور
يطير ويرفرف فى سماكِ
بجناح من حب وجناح من شوق
فى كل مكان وياكِ
أنا روح فى الفضا شارده
وروحى ترد بهواكِ
صوت الحب فى السما تراتيل
ما يكمل إلا بغناكِ
أمتى يكون اللقا
وأشوف الحب فى عيونك
وتسمعى نبضى بحنين يهمس
وحشتينى وحشتينى ويضمك
شعر / كرم فارس

كرم فارس

زر الذهاب إلى الأعلى