شعر و زجل

قالوا صعيدى قلت انا تآج

الشاعر – ناصر السيد عبدالرحيم

قالوا صعيدى قلت انا تآج 

وشرف لاصحابى والأحباب 

قلبى براح شايل الحب 

للقرايب والاغراب 

اصاحب أصيل والندل بينى وبينه بلاد 

الغدر مش طبعى

والإخلاص انا وهو صحاب

وحبيبتى تآج على الراس

وجوهرة متصانة من الناس

وطبعى حامى مش ناكر

ودمى كيف الجمر مش بارد

وكلمتى سيف لو طلعت

والقلب زى الوردة لحبايبه

واعر كيف الجبل عالاندال

زعلى كما الريح يحصد رقاب ناقصة

وبسامح بس مش على كرامتي

شامخ زى النخيل عالى

واضلل على الرخيص والغالي

صعيدى وكيف المطر كرمى

نصيحة وخدها منى

دا الكلام غالى

اوعك تزعل صعيدى فى يوم

لحسن تغيب عنك الشمس وماتشوفها تانى

زر الذهاب إلى الأعلى