شعر و زجل

وشوش وأقنع

بقلم هدى عماد

في الفيس تلاقي علي

كل وش ولون

وعجبي عليكم يالابسين

وشوش

تلاقي الواحد لابس

إلف وش ولون

والفيس ياماعلمنا

إن الوشوش كتير

فيه اللي تلاقيه بوش

بشوش وكله أمل

والأمل منثور حواليه

يزرع البسمة والضحكة

لناس محتاجة طبطبة

ويحتوي كل البشر

بلمسة من روحه وأيديه

وجواه يعتصر ألم وآنيين

آلام بتعصر الحشا

يا ولداه علي الحزن الدفين

وهو ياعيني محتاج الطبطبة

والفيس يا ما علمنا

إن الوشوش كتير

وفيه المصلحجي

مع كل لون تلاقيه

زي الحرباية يتلون

وقت الفرح تلاقيه

بيهلل ويزغرط

وتشوف الفرحة ناطة

من عنيه

بس كلام وأونطة

وقت الحاجة والشدة يختفي

أصله مصلحجي بمية وش

ولون

وفيه دنجوان عصراه وأوانه

يتنطط للبنات تنطيط

مرة حبيب وعاشق

ومرة مظلوم ياحرام

 

الحب مش اأونطة وكلام

كله زواق

الحب أحتواء وموادة

ومحافظة كمان

أصل الديان موجود

وزي ماتدين هتندان

كمان

والفيس ياما علمنا

إن الوشوش كتير

وفيه المثقف واللي معاه

كام

دكتوراة

ودايما ساعي للمعرفة

ما يوقفه شئ للبحث

في العلم

وتلاقي صفحته عادية

مفيش إعلان عن نفسه

تلاقي صورته من بعيد

باهتة

تقرب تنجذب ليها وتبان

الصورة زاهيه وواضحة

وناس تانية تلاقي صورتهم

من بعيد زاهية

وكام دكتوراة علي

كام ماجستير

واه اخترع الذرة

تقرب تلقي الصورة باهتة

وجواه يا عيني فاضي

اصل في الأصل الناس معدن

وكل معدن وله تمن

والدنيا علمتنا

إن الوشوش كتيرة

وكل وش وله تمن

زر الذهاب إلى الأعلى