“الوداع الاخير “..شعر بقلم الشاعر “محمود صابر الخطيب”

“الوداع الاخير”

محمود صابر الخطيب

لّمى خيامك من صحاري دنيتى ..
وارحلى عنى بعيد
قلبى ما اخلصشى ليكى ..
وانتى ما شوفتيش معايا لحظه عيد
دقى باب انسان يحبك ..
و ف لقاكى يكون سعيد .
اضبطوا دقات قلوبكم دقه دقه 
دقه الحب الحقيقى بتبقى صادقه
وانتى بالنسبالى صيد
…
لمّى احلامك وصورك وابتساماتك ..
وامسحينى من اوراق حياتك .. وزكريات .
فكرّي فى ذاتك واللى مرفوض من عاداتك ..
وبصى للون الجديد .
فكى دراعك من دراعى ..
ومفيش اى داعى لوداعى ..
دانتى بالنسبالى صيد .
…
لمّى م الارض البقايا واقفلى باب الحكايه ..
متفكريش في الانتظار.
كل شىء وصل النهايه .. ايوه ومفيش اختيار.
انتظارك لوللحظه خيط يشدّك للخطأ .. والانكسار
ضمّى ايامك وطيري ..
انقذك صحوة ضميري ..
وانتى بالنسبالى صيد .
لمّى خيامك من صحاري دنيتي ..
وارحلى عنى بعيد .
…