شعـــر / كرم فارس
(( بعتــــذرلك ))
………………
بعتذرلك يا حبيبى
بعتذرلك ومش بأيدى
ياما كان نفسى تكون نصيبى
يالى أسمك منقوش فى قلبى
غصب عنى ومش بخاطرى
أنا مش هاقدر معاك أكمل
*************
مش هاتفيد حتى الدموع
ولا طريق منه الرجوع
مش هانجنى غير الندم والركوع
وأنكسارنا لحبنا والخضوع
أنا حبى ليك عشقى الممنوع
ترضى شرفى بأديك يسيل
**************
مستحيل يكون هوانا
مبنى على قصة خيانه
مهما كان طعم الهنا
فين نروح يوم القيامه
أنا وأنت من حسابنا
وبالخيانه مش هانقدر نعلل
**************
بلاش تبرر بالكلام
خلى الوداع بنا السلام
والحب الطاهر على قلوبنا وسام
ومن واقعنا أنتهت قصة غرام
وأوعى الضمير منك ينام
أرجوك كفايه بلاش تحلل
بعتذرلك يا حبيبى
مش هاقدر معاك أكمل
أقرأ التالي
14 أكتوبر، 2022
الشاعر ربيع عطا يكتب قصيدة ” هى الأقدار “
25 يوليو، 2022
الشاعر ربيع عطا يكتب قصيدة ” هى الكلمات “
24 يونيو، 2022
الشاعر ربيع عطا يكتب قصيدة ” سبحان من خلق الوجود”
7 يونيو، 2022
الشاعر ربيع عطا يكتب: يامن يدعى الفقرا
17 مايو، 2022
الشاعر ربيع عطا يكتب قصيدة “أسافر عبر وجدانى”
زر الذهاب إلى الأعلى