شعر و زجل
قصيدة (( أحضنى يا مصر دم شهيد )) …شعـــر / كرم فارس
((( أحضنى يا مصر دم شهيد )))
……………………………….
أحضنى يا مصر دم الشهيد
وأكتبى بدمه أغلى نشيد
الشهيد منزلته الجنه بالتأكيد
والجانى حسابه وعذابه شديد
*****
أوعى يا مصر تبكى عليهم
ولادك شهدا أفرحى بيهم
مش بالحزن هانشيعهم
ولا بالدمع هانودعهم
****
أبنك مصرى وطبعه عنيد
ولا بالأرهاب ولا بالتهديد
لو مات منا ألف شهيد
دمك بيسرى فى كل وريد
*****
تحت ترابك ضميهم
وسجلى فى تاريخك أساميهم
يا مصر كنت أحلامهم وأمانيهم
واهبين لك روحهم وأعمارهم
*****
مصر روح واحده فى جسد واحد
قلب واحد … دم واحد … رب واحد
شعب مصر أيد فى أيد
أحضنى يا مصر دم الشهيد
مرفوعه رايتك بالتوحيد
*******
