هو انتي ليه كل ماتيجي تتصوري .. تضحكي ؟!!! شعر … بقلم / غريب ابو الوفا

مايمكن فى هيامك .. بشووف رقتك

ضمي … ضمي الشفايف

اشووف عناقيد الشوق .. فيها العنب طاارح

وراها جنايني .. واقف ساارح

خايف من السهد الجاارح

خليني اشوف فى عيونك .. نبضك

حزنك .. وفرحك

واشوف الزمن .. غاازل رمشك

خطوته … تحت جفنك

رامي شاله … على خدك

تحته … طفل بيتولد

يشيل من فوق جبينك .. طرحتك

اشووف سبايك .. أمل

تاخدني امسح قسوة زمن .. من كتفك

فى تنهيدتك .. صوت آذان

فى خطوتك … اسمع نغمة جرس

على صدرك .. ينتبه الحرس

الاقي طريقي لمنبرك

اشم الحنان .. فى كفك

يلا شدي،عودك

وملسي عودي،.. لما تعودي

واوعي بنار الخوف عليك .. تكويني

واوعي اشوف يوم فى شفايفك .. ضحكة

تضعفني ….. وماتقويني !!!

خربشات

غريب ابو الوفا