مستشفى حلوان العام….خارج نطاق الخدمة

1

مستشفى حلوان العام….خارج نطاق الخدمة
كتب.هانى توفيق
فى ظل عدم الإهتمام بحياة المصريين وفى ظل إرتفاع حالات المرضى وفى ظل عدم الإهتمام والرقابه ذهبت اليوم الى عدة مستشفيات بحلوان حتى أحاول حل الألغاز التى تدور حول الرأى العام وبدأت بمستشفى حلوان العام وجدتها من الخارد نظيفه جدا وعليها أمن أكثرمن الموظفين الذين يعملون بداخلها فدخلت داخل المستشفى لقيت صراخ وألام أطفال وكبار وجدت ناس تعانى من الإهمال وجدت أيضا ناس معدومه من الإنسانيه مريضه حابه تدخل الطوارئ ورجال الأمن رفضوا وقالولها تعالى بكره العياه قفلت طيب المريضه دى تستى لبكره ليه علشان محدش حاسس بيها والله لومعاها واسطه لكان مديرالمستشفى بنفسه كان نزل كشف عليها بس نقول إيه يعنى الواحد يمشى بواسطه معاه علشان يعيش علشان يحترمه البشر .
وجدت إنسانه جالسه على كرسيها تتوجع وتتألم داخل المستشفى راح المحترم بتاع الأمن خرجها بره البوابه بتاعت المستشفى والله خرجها بره البوابه ولماجيت أستعطفه ولسه بقوله الست بتتألم دخلها جوه المستشفى راح قايلى خليك فى حالك يافندم طبعا أنا مش تابع لوزارة الصحه علشان اعمل فيه محضر إوتبع الرقابه وأقسم بالله حاجه توجع القلب مريضه تتألم بدل مايشوف حالتها بضمير يخرجها بره علشان عملاله إزعاج
وأنا داخل هذه المستشفى وجدت عدة ممرضات يتخانقون مع بعض على فلوس أه والله روحت قاعد بعيد عنهم فالأول إفتكرتها جمعيه وبعد شويه لقيت ممرضه بتقولها أنامش هقسم الشاى مع حدتانى والمريض اللى هيدينى فلوس مش هقسمها مع حد
ساعتها بس عرفت إنهم بيتاجروا بأوجاع المرضى

2 3

فساد وإهمال وعدم رقابه
اليوم ومنذ ساعتين بالتحديد وقفت أمام نفسى وسط مستشفى ضاعت منها كل الإنسانيه والله المرضى صعبوا عليا وحبيت أوصل صوتهم علشان إحنافى مصر مش فى غابه تدفع للمرضه علشان تشوف شغلها والبيه بتاع الأمن فاكرنفسه ظابط شرطه عمال يتحكم فالناس وفالأخر يخرج مريضه عجوز بره البوابه حتى لايسمع صراخه
تخيلوا معايا لما يوم اناشوفت ده تفتكروا إيه اللى بيحصل بقى كل يوم
وعندكم المستشفى اللى حابب يتأكد اليوم يذهب هيلاقى عجوز على البوابه الرئيسيه تصرخ ولايسمعها غيرالماره
أين الأطباء أين الضمير أين الرقابه…..مااااااتت
رساله من داخل مستشفى حلوان العام
ياوزيرالصحه ……إرحل بشرف

عن meram firstnews

x

‎قد يُعجبك أيضاً

الخطيب يطالب اللاعبين باسعاد جماهير الاهلي ويرفض التحدث عن السلبيات

كتب/ هاني طاهر الجورنالجى عقد الكابتن محمود الخطيب، رئيس مجلس إدارة النادي الأهلي، جلسة مطولة ...